Nýtt sumar - nýtt lúkk og nýjar straumlínur.

Selurinn spáir að bleikt í stíl við bröndóttar sokkabuxur verði í hávegum haft í sumar. Ekki má gleyma upplyftu hári með og gulu ennisbandi

Vertu í tískunni - hlýddu selnum og þér mun farnast vel

Grikkir gera konum grikk...hahah
Svona á að fjárfesta, Ólympíuleikar í aðsigi og þá á að leyfa fleiri vændishús í Aþenu.Íslenskar atvinnulausar ættu þarna að fá ágætis vinnu og hreyfingu um leið.. bara gott mál.
Tap á HM-handbolta á Íslandi- af hverju klikkuðum á svona atriðum

Útskriftarveisla:

Inngöngumiði: Hlutur í gjafapappír, verð 1500-! krónur

Merkur atburður og í kjölfarið er haldin veisla - til hvers?
Til að fá pakka? - nei varla og þó...
Er gjöfin hamingjuósk í pakkaformi eða er hún kannski inngöngumiði í veisluna?
Fólk sem mætir í veislu mætir undantekningarlaust með pakka, þótt viðkomandi þekki ekki útskriftarnema vel. Sá er fær boðskort og þekkir einstaklinginn ágætlega sér sér ekki fært um að mæta, sendir ekki pakka heldur þá frekar kort eða kannski eitt símtal.

Einstaklingur er heldur ekki veislu selur þá ekki inngöngumiða og fær þ.a.l. engan pakka enda hélt hann enga veislu.

Þetta er nú bara hálfkjánalegt!

Ljós í myrkrinu bull,puhh ef þar væri ljós þá væri ekki myrkur

Undir beltisstað

Gangaslagurinn
Í dag er ég ekki ýkja glaður, ég þoli ekki að tapa og hverjir stjórnuðu því í dag? Víða leynist hjálparhönd eins og kom fram í gangaslagnum í dag, því við töpuðum ekki á lélegri frammistöðu eða því að við höfðum gefist upp, nei og aftur nei. Við vorum komnir í góða stöðu á ganginum fyrir innan bjölluna vorum með opinn glugga og 6.bekkingar streymdu þar inn. Örfáar mínutur í viðbót og við hefðum hringt þessari bjöllu til helvítis. Hvað er þá gert bardaginn er stoppaður eftir sex mínútur, hvaða rugl er það, hvað á maður að gera á sex mínútum yfirleitt, lag með Micheal Jackson er lengra, ég er ekki sáttur.Við töpuðum fyrir rýtingsstungu þegar við á góðum skrið.

Rauður-gulur-grænn
Ég var á hraðferð um daginn (þó á löglegum hraða) því ég var orðinn nokkuð seinn. Á einum ákveðnum stað á leiðinni þarf ég að taka hægri beygju á ljósum og lendi ég að sjálfsögðu á rauðu. Þar sem beygjuljós gagnstæðra ljósa voru græn, þurfti ég að bíða í ca. 10 mín á ljósunum til að geta tekið hægri beygjuna í stað þess að mega beygja til hægri þar sem engin bíll var á ferðinni hvort eð er.
Skora ég nú á ráðendur þessa lands að fara að leyfa ,,hægri beygjuna" og fækka þar með geðillum ökumönnum

Verjum friðinn

Viðrar vel til loftárása

Það viðrar vel til að myrða nokkra Íraka í dag...því ekki bara að bomba þá upp, ljúka þessu bara af.
Frelsum Írakana ekki bara frá Saddam heldur líka frá allri veröldinni sendum þá til síns guðs, einmitt gott að frelsa þá þannig.
Einmitt
Bandaríkjamenn ætla að frelsa Íraka frá Saddam og þeir ætla í meginatriðum bara að losa Íraka við hann. Hvað eru þeir þá að sprengja upp marga staði í einu til að ná einum manni, hvaða rugl er það. Nóg væri að sprengja einn stað, þann stað sem hann væri staðsettur á, en neinei spörum tíma og sprengjum Baghdad upp og þá hlýtur Hussein að drepast líka með allri þjóðinni, en hei við erum að frelsa Íraka.

Þessar kringumstæður réttlæta ekki að Íröskum borgurum sé slátrað með tilviljanakenndum flugskeytum.

Viska námsmannsins

Palli: hey mar hverd ællaru ejinlega
Siggi: a bara chilla
Palli: aaaææææd, á að kíkja á skítugan Nonna
Siggi: veit ekki mar, er eitthvað slakur
Palli: Djöfull ertu slakur
Siggi:Verð bara þéttur á morgun mar, slakaðu á mar,djöfull ertu trekktur mar,
Palli:ætlaru barað dilla bossa á morgun, vera þéttur og fá sér bjór
Siggi: jah okei mar, alveg ísí á því,

Og þeir gengu hvor sína leið og fékk Siggi sér síðan stóran ís með trönuberjum og möndlufyllingu í Álfheimum en Palli fékk sér þeyting með súkkulaði húðuðu marsi, jarðaberjum og fullt af ísi í Úlfarsfelli

Stríð í Írak

Eða öllu heldur innrás í Írak til að koma Saddam Hussein frá völdum og hindra hann í að nota meint gereyðingarvopn sem hann á að ráða yfir. Bush virðist staðráðinn í að vera ,,friðarsinni" sem háir baráttu sína fyrir friði með stríði. Árið 1991 var undirritaður samningur um að Írakar ættu að eyðileggja vopnabúr sitt og máttu þeir heldur ekki búa yfir neinum gjöreyðingarvopnum. Frá þeim tíma hefur ekkert gerst því Írakar hafa hindrað störf eftirlitsmanna Sameinuðu þjóðanna og því hefur engin afvopnun farið fram. Það er ekki fyrr en núna sem eftirlitsmennirnir hafa fengið frjálsar hendur til að skoða vopnabúr Íraka og eyða flaugum sem eru of langdrægar.
Því í andskotanum er Bush að fara þá í stríð við þá núna þegar Írakar eru byrjaðir að afvopnast, til hvers var hann að gefa þeim færi á því ef hann ætlaði sér aldrei að leyfa þeim að klára verkið... torkennilegt. Í raun er verið að refsa Írökum eða ráðamönnum Íraks fyrir gamlar syndir sem þeir eru að bæta fyrir núna, en hvaða vit er í því!!
Meginástæður Bush í byrjun voru þær að Írakar ræðu yfir gjöreyðingar- vopnum og væru í samstarfi og héldu hlífðarskildi yfir hryðjuverkamenn.... en hvar eru þá sannanir fyrir því. Stefna Bush er sú að Bandaríkin séu svo öflug að þau þurfi ekki samþykki neins og geti gert það sem þau vilja og verið í raun Alheimslögga, þeir ættu frekar að byrja að hreinsa til heima hjá sér áður en þeir gera það í öðrum löndum. Bush væri löngu búinn að koma með sannanir fyrir ásökunum sínum ef þær ættu við rök að styðjast en sú er bara ekki raunin. Ef Írak byggi yfir þessum vopnum myndi Bush líklegast ekki þora að fara með lið inn í landið.
Mergur málsins Bush vill losna við Saddam Hussein til að Bandaríkin nái völdum í Írak og fái hlutdeild í olíugróðanum. Frekar væri ráð að ráðast inn í Bandaríkin til að koma í veg fyrir að heimska Bush nái að setja mark sitt á heiminn.